美容院減肥機提防「偽單次收費」6大陷阱！做機減肥點至夠慳？

一般人計劃進行纖體減肥療程，主要有三個選擇。第一，就係去搵傳統正規醫學美容中心，第二，就係搵「自稱」唔需要購買療程嘅所謂「偽單次收費美容院」；第三，就係直接去深圳內地骨場、內地美容院進行，貪價錢最平！由於香港經營成本高昂而且人力不足，深圳內地亦都有成本優勢，所以部分港人就會選擇返大陸做機減肥、甚至購買美容院減肥機療程。

香港偽單次收費美容院與及深圳美容院骨場，其實兩者差唔多level。兩者好處係價錢低下，但原來中港兩地低下市場美容公司好多係屬於「空殼公司」、「租機扮買機」形式經營，對於真金白銀拎錢出嚟投資自己嘅消費者，並冇任何保障！而且低端消費模式做機減肥，效果與安全性方面都與有好多隱患。今日就會為大家詳細列出「偽單次收費」做機減肥6大陷阱，同埋教你點樣做機減肥先至慳到盡！返大陸只係幫你慳到少少錢，而家會教你點樣可以慳到好多錢！

單次收費美容院減肥機陷阱1：低成本租機扮買機

點解最好都係搵一啲正規、正當、而且有一定規模嘅醫學美容中心去進行減肥機療程，而唔好隨便信所謂嘅「偽單次收費」美容院？好簡單，因為不少小本經營、偽單次收費美容院其實根本冇財務實力去投資貴價機！

好多時你見到嘅所謂外國名牌減肥機、脫毛機、激光皮秒等等，其實都唔係美容院所擁有，只不過係向代理以臨時形式租借機器！

租借機器做機減肥，對於消費者有咩問題？第一，機器本身並不屬於美容院，只係臨時短租形式向代理暫時借用。好處係由於美容院唔需要一次過拎幾十萬出嚟，的確可以喺成本較低嘅情況下售賣療程。不過唔好處就極多！

由於機器只係短時間租用，類似路演roadshow形式放喺美容院三至六個月時間，好容易就出現顧客購買療程之後，租約期滿冇辦法繼續進行療程！被迫硬食美容院轉換畀你嘅其他機器，多數係一啲成本更低、更唔值錢嘅療程。（美容院不會咁有良心免費升級做其他高質素機器，多數都迫你轉用陳舊，而且冇乜效果嘅陳年減肥機。）

你可能會問，「單次收費美容院」唔係真係單次收費咩？少年你太年輕了！雖然話就話「單次」，但其實大部分都會sell療程，將佢哋稱為「偽單次收費美容院」其實更加恰當。

不過同正規機構不同，偽單次收費美容院嘅機器好多都唔係真係自己擁有。係靠「租賃」「demo roadshow」方法去短期租返嚟。代理隨時有客，就要即刻攞返部機，自然出現好多畀咗錢但中途租約期滿，冇辦法繼續完成療程嘅個案發生。消費者自然損失慘重！

所以話為免自己出現畀咗錢，但最終貨不對版情況，最好都係搵正規機構做機減肥。唔好咁容易收信所謂「偽單次收費美容院」嘅承諾。

部機都唔係佢，連代理會唔會再續租約佢都講唔埋，又點可能可以保證得到你完成到療程呢？

單次收費美容院減肥機陷阱2：假前後對比圖呃人，最終零效果

不少所謂單次收費美容院做機減肥，無論係做冷凍溶脂，又或者微波溶脂，除咗會違背承諾hard sell推銷療程之外，呢類型質素麻麻地嘅中低檔次美容中心都有個共通點，就係對於做機減肥效果，冇任何成功個案可以分享。

正當正規美容院減肥機，經營一段時間，都會有一啲成功個案或滿意客人reference可以分享。如果做機減肥效果良好，客人覺得幫到，亦都有唔少客人會自願去做代言人，甚至主動推介畀其他人！但係如果一間公司本身主力推銷單次收費，但其實對於客人效果冇去跟進，加上員工hea做，效果無保證，自然就冇乜成功過案可以分享。

唔好以為上網睇到有啲前後對比圖，就覺得一定有用。因為香港差唔多十幾間自稱單次收費美容院，全部人都係偷緊同一堆圖，互相抄襲！要去判斷究竟美容中心減肥療程有冇實質效果，其實一定要去諮詢有冇真實對比圖（不是網上假圖）。冇嘅話就要自己小心。如果美容院諸多推搪又冇乜成功個案分享，淨係畀你睇下啲所謂嘅IG前後匿名對比圖，就自己睇路！

單次收費美容院減肥機陷阱3：浪費客人時間

所謂嘅低成本美容中心，或者所謂偽單次收費美容院，講白啲其實係適合「低收入、無時間成本、冇要求」嘅客人。

一間經營成功嘅專業美容中心，一定會對於「時間管理」觀念非常著緊，唔會隨便浪費客人時間！會調動店舖資源，包括店員、治療師、房間、機器等等，去遷就客人，而唔係要客人遷就返間美容院！

可惜大部分標榜低消費嘅美容中心，其實都會出現一個奇怪現象，就係永遠都會over book，永遠都要個客等你，永遠都唔能夠準時開始療程。美容院減肥機係一個持續性療程，每次浪費30分鐘做，十次已經浪費咗你300分鐘（即係等於五個鐘，夠你睇三場戲）！

香港生活壓力大工時已經好長，大部分客人都係喺休息不足嘅情況之下，趕住去做美容纖體療程。唔少人都驚遲咗少少就會導致療程時間縮短，自己唔著數，但係你準時出現，並不代表美容院都會準時接待。

好多所謂嘅小店或者標榜單次收費嘅美容院，其實就永遠都會overbook大量客人，咁樣先至確保人手人工唔會浪費！但係唔好處，就係客人往往要等30分鐘，45分鐘，甚至過半鐘先，至可以開始療程。咁樣其實絕對係極不尊重客人，欠缺時間管理觀念喺日本，已經屬於極不專業行為。不過香港缺乏「匠人」精神，導致客人時間常常失預算。嚴重擾亂客人其他消遣、工作時間。

單次收費美容院減肥機陷阱4：炒散員工佔多數，懶散卸責心態問題嚴重

香港經營成本高昂，自然有好多美容院為咗慳錢，各出其謀。甚至有部分會利用年輕人鍾意做炒散slash，唔返正職心態，直接僱用一大堆人工低、無福利、無假期嘅炒散員工幫手做機減肥。

炒散員工好處，係要求低，而且僱主無需要承擔任何有關長工嘅勞工法例要求。對於炒散人士嚟講，亦都會覺得比較自由，鍾意返就返，唔返就唔返，而且除咗射波之外，又可以純粹用「時薪」去計算，工作唔太認真，甚至工作出錯，都唔會有什麼嚴重後果。

究竟美容業應唔應該炒散？如果客人願意花費三幾萬去做機減肥，就梗係希望搵資歷豐富，而且有相關操作臨床經驗嘅治療師，並唔希望係一個返咗一星期嘅大學生，或者IVE炒散！

偏偏好多所謂單次收費嘅美容中心或者小店，其實就會利用呢類模式去招聘「臨時兼職員工」充當治療師。由於缺乏行業經驗、專業知識、臨床手法、甚至連勞工保險都冇買，自然出現各種問題！

之前演唱會嚴重事故，就揭露冇勞工法例冇保險情況之下出咗問題，可以冇人需要為嚴重意外負責！你作為美容院顧客，都唔想自己畀咗咁大筆錢之後，最終出意外，係冇人承擔責任。

單次收費美容院減肥機陷阱5：衛生情況惡劣，容易招惹傳染病、床蝨

對於一間正規定當嘅美容中心，有好多正當成本支出，係唔可以慳。

雖然未必係即刻會感受得到，但係持續投資「消毒」、「衛生」、「整潔環境」，對於客人整體體驗都會有正面影響。相反，有部分標榜價錢好低嘅單次收費美容中心，或者低價美容院，為咗節省成本就往往偷龍轉鳳偷工減料。

呢類型嘅成本壓縮方法雖然冇即時後果，但不代表無長遠後果！

有部分壓縮成本嘅單次收費美容中心，為咗唔想洗錢喺清潔、消毒方面，就會「重用毛巾」、「重用床單」、「多人使用都唔會消毒！」甚至地氈已經出現明顯「床蝨」、「昆蟲」等等，仍然都唔會搵專業清潔公司去處理。

重用毛巾有機會傳染皮膚病、性病（例如花柳、梅毒）。床蝨問題，更加有機會帶返屋企，令小朋友不適。以上衛生狀況，並非一至半至肉眼檢查就可以睇到，現時亦都冇方法可以快速檢測毛巾細菌含量。因此只能夠通過收費水平，去估計大約清潔水準。再自己用common sense去判斷！然而大家都知道冇人會做蝕本生意，總之環境衛生有保留，就唔應該冒險。

單次收費美容院減肥機陷阱6：客源參差，吸引露宿者過夜、多失竊與不愉快事件

買樓租樓，都會考慮該區域鄰居質素，與及整體消費力等等。通常比較斯文富裕地區，就當然好過貧民區！部分區域真係有好多社會問題。吸毒、暴力、露宿者、虐打等等問題，喺某部分社區特別嚴重！君子不立危牆之下，事實無可厚非。

有部分美容院由於收費水平太低，吸引露宿者、癮君子上門瞓覺，光顧一個300蚊療程，就可以過夜！自然出現龍蛇混雜，甚至失竊，影響其他正規客人問題。

部分單次收費美容院，客人質素太過參差，正規斯文客人深受困擾！

做機減肥點至夠慳？

美容院減肥機療程有兩個選擇。第一就係將貨就價，不斷降低安全要求，去迎合低成本，所謂嘅「賤物鬥窮人」。但係以上所講情況六大陷阱問題，就有好高機會會發生。另外一個選擇，，就係搵正規機構進行。正規機構各方面都會比較有管理，對於客人個人需要要求，與及整體預算情況等等，都會於開始療程之前有深入探討，好處係客人可以對於整體做機減肥價錢效果等等，有更好掌握。而部分機構更加可以提供「免費諮詢」，先行去了解市場情況，再作決定，咁樣對於消費者掌握整體成本與及質素效果等等，較為有保證。

FACT CHECK SWISS REJU熱光溶脂好唔好！同坊間纖體黑店有咩分別？

【做機減肥奇談】點解仲有人信勁平做機減肥？熱光溶脂邊間好