Fact Check SWISS REJU熱光溶脂好唔好！同坊間纖體黑店有咩分別？

而家好多美容纖體中心都好恐怖，有各種問題銷售手法。雖然海關及其他執法單位都盡量去處理，但喺美容黑店方面，始終耐唔耐就聽到有好多恐怖hard sell故事！尤其是對於一啲比較少去美容健身中心，比較少接觸現時進擊銷售手法嘅朋友，一定要小心！今次就會講解一下常見美容黑店呃錢手法。亦都勸大家千祈唔好貪所謂免費或者免費贈品著數。眾多美容黑店可以做咁多年都唔執笠，有部分越做越大，其實都係因為大家貪心緣故。你自己上當就與人無尤。大家都想知道香港比較出名嘅纖體公司例如SWISS REJU好唔好，今日就會為大家講解埋！

美容減肥黑店呃錢手法1 ：聲稱免費或者極平試做

好多時屋企人都教導你便宜莫貪。其實呢句說話真係講得好正確，因為呢個世界真係冇咁大隻蛤乸隨街跳，尤其係美容健身方面。好多時候消費者中陷阱就係因為貪平，永遠正當經營嘅公司其實係好少使用一個極低嘅試做價，更加唔會提供免費服務，正如你自己返工都會收人工，你唔會同公司講你免費一樣。付出合理功夫，獲得合理回報，對雙方嚟講都係合情合理天經地義。

反而好多所謂嘅美容黑店，就會有好多極為不合理嘅價錢，甚至聲稱免費。總之越係覺得好吸引，或者價錢係好異常，呢類其實多數都有問題。呢啲美容黑店手法都幾明顯通常會宣傳一啲價錢比較貴嘅減肥機，例如Coolsculpting，Sculpsure，Deka Onda Coolwaves，就用一個極低嘅價錢吸引顧客登記。

第一眼睇可能覺得冇乜問題，諗深一層就知道問題非常之嚴重，甚至可以用細思極恐去形容現時情況。使用正版機器，有受過訓練員工，有參加機器保養，有專門聘請清潔公司負責清潔消毒，有購買保險，其實係會有正常成本。不可能做到免費。呢類型自稱唔使錢嘅公司，其實並非真正免費，所謂嘅免費試做，只係幾分鐘唔會係一個完整療程。但就會喺房sell係一兩個鐘。

如果你唔係經常去美容健身中心，就可能有種天真想法：佢唔係話免費試做咩？可唔可以試做覺得啱先至決定？或者諗下先再決定？

但事實上係冇咁樣嘅選擇。美容纖體如果覺得你根本係冇任何意欲購買，唔會安排試做畀你。上到去之後就會話你唔適合做免費療程，夾硬推銷另外其他貴價療程。如果你企硬唔買你會係白行一趟。

老實講如果你自己抱住搵著數嘅心態，周圍去所謂免費試做，人哋唔做畀你，或者每次只做幾分鐘，亦都無可厚非。因為你抱住搵著數心態周圍呃，人哋亦都冇責任同義務俾你搵笨。其實都係建議你地正正經經搵一啲有規模，合理經營地方，用合理價錢購買服務，千祈唔好諗住貪小便宜，因為肯定會有損失一定會因小失大。

當然唔係話全部有免費試做嘅地方都係黑店，但係一定要有心理準備，如果出現不良銷售情況自己應該點樣全身而退。

香港比較正經嘅醫學美容公司例如SWISS REJU，就唔會利用免費或者低價作為引誘，去吸引消費者。但係正當經營公司可以少量購買，而且確保做足時間，同使用正版機器。

美容減肥黑店呃錢手法2 ：人海戰術疲勞轟炸

另外一點大家需要小心，有部分美容院或者健身中心好鍾意用一種叫做人海戰術嘅方法，去令到你消費。

乜嘢叫做人海戰術呢？即係話佢唔會正正經經搵一個人同你傾，通常就會搵幾個經理，幾個教練，或者幾個美容顧問，一堆人上嚟俾壓力你，令到你唔好意思拒絕。

通常佢都預咗你第一二次未必肯簽卡，但係佢就會越嚟越多人喺間房入面，例如個顧問講唔掂，就叫經理講。唔掂搵多幾個一大堆人入嚟。好多人為咗怕麻煩都快啲簽咗去就算。尤其係間房好多人，人多口雜，頭腦混亂思想唔清晰情況下，就好容易畀人影響咗。

千祈唔好高估自己心理質素，因為好多人面對群眾壓力，的確會感到唔好意思。人海戰術就比較常見於大型連鎖美容健身中心，始終佢哋人多！亦都老實講係憎多粥少。好多員工都冇開單，所以難聽啲講就好似餓狗搶屎咁，一見到有客就衝上嚟。

正當嘅公司對於工作人員服務態度與銷售手法都有規範。中環嗰幾間比較好比較有質素嘅醫學美容公司，例如SWISS REJU，係絕對唔會採納呢種方法。

美容減肥黑店呃錢手法3：聲稱單次收費使用貴機，去到瘋狂sell一大堆其他正價療程，全部同纖體無關

啱啱先講完，唔好以為小店就一定係好東西，有時小店都會呃人。自從香港出現咗所謂單次收費美容中心之後，呢個問題就惡化得好緊要。好多人以為單次收費，就真係傻豬豬單純地覺得對方係唔會sell療程。你咁樣諗真係大錯特錯！市面上多咗好多聲稱可以用單次收費用靚機嘅療程，更加危機四伏。

市面上99%單次收費美容中心，其實都有sell療程，佢自己自稱單次其實都一樣。好多人見到好似唔需要購買療程，或者可以試一兩次先，就會被吸引去呢啲所謂單次收費美容中心。做得美容黑店就肯定唔會有良心，有乜可能會幾十萬買部貴機畀你單次消費？其實好多只係美容中心扮曬賣大包搞宣傳，即係類似以前某些酒樓會提供一蚊一隻雞情況。主要係宣傳，令到你上咗去之後先再正價畀錢食飯，茶位，火鍋等等。如果你見到標榜可以單次收費做 Coolsculpting，Eximia HR77，Onda減肥機嘅廣告，就要自己小心提高警覺！

單次收費美容中心自稱低價錢做靚機，其實同舊式酒樓一蚊雞原理係一模一樣。話就話用單次收費方式使用靚機，但上到去之後就會話你塊面唔夠年輕緊緻，需要打botox！係咁話你面好乾sell你打水光針！甚至本來去做減肥，就話你子宮差先至會變肥！唔買子宮療程，會生cancer會生唔到仔等等！總之就係語不驚人誓不休，但係呢啲咁嘅方法又真係對於某啲消費者係work，所以先至咁多所謂單次收費衝出嚟。

好多聲稱可以單次收費做靚機嘅美容中心其實都不是減肥纖體專家。好聽啲就叫做乜嘢服務都有，難聽啲鬼五馬六乜嘢都亂咁做。一方面吸引你上去單次做Coolsculpting / Onda / Eximia HR77，你一上到去又會叫你試埋中藥養宮。轉頭又叫你打膠原槍，甚至安排介紹醫生幫你打針，肉毒桿菌又好，少女針又好，總之係咪都要逼你消費！呢類型單次收費小店周身刀但無張利。除咗減肥纖體之外，仲做各種美容例如打激光，豐胸，按摩等等，顧客見到所謂單次收費用靚機既網上廣告宣傳就更加容易中招。

呢類型雜亂無章，乜嘢服務都提供嘅單次收費美容中心，所謂平價減肥機，其實原來又叫你美容，整容，打針，豐胸等等。又話個胸太細必須去豐胸，又亂咁sell打針。之前小編都有朋友上當，本來諗住畀幾百蚊，最尾8萬蚊埋單。最癲嘅係買咗一大堆正價療程，全部同纖體無關。

美容減肥黑店呃錢手法4：簽約就簽好多年，預繳最少5－15年

香港美容纖體黑店真係好多古靈精怪方法，其中一個方法就係叫你簽約好多年。因為如果你就咁講話畀十萬蚊參加美容健身，好多人都會耍手擰頭，覺得價錢太貴。但係如果同你簽約好多年，每年分開畀少少，好多人又覺得可以接受。

所以大部分美容黑店都會準備一啲好長年期嘅合約可能講緊30萬或者50萬，但係可以5－10年分期付款，咁樣做好多人都會覺得比較容易接受。但其實一買買幾十萬都真係有風險，勸大家都係量力而為。當然如果你大把錢係冇問題，但如果你普通打工仔，你買一兩年會籍或者療程係點都足夠。三萬至五萬左右其實係夠，唔需要買幾十萬。

提醒大家美容纖體合約，其實真係唔需要簽咁多年。大概第一個療程買幾萬蚊就夠。真係唔好亂信銷售人員講話要簽十年八年！十年八年之後，佢響唔響度你都唔知啦。

如果唔想簽好長期嘅合約，建議就搵一啲可以短期完成，6至12個月合約，合理年期嘅公司例如SWISS REJU。咁樣做就對你比較有保障。

邊個減肥機最有效？點樣選擇做機減肥技術？

做機減肥，其實好視乎使用乜嘢科技。如果使用嘅減肥機你根本唔適合做，就算你做多20次可能1cm都瘦唔到！

啱啱開始美容院做機減肥，好容易會有種疑問：邊部機最有效？

其實邊個減肥機最有效係好視乎你個人情況。不同類型情況會有不同最佳處理方法，最佳使用機器亦都不同。

去美容院做機減肥朋友，可能會迷信高能量減肥機，錯誤地以為能量越高一定效果越好。但其實高能量都分好多種。激光，高週波，接觸式射頻，非接觸式射頻，超聲波，電磁波，及微波溶脂等等，全部都屬於高能量減肥機。當中佢哋係各有優點但係亦都有限制，並唔存在一個科技完美解決所有肥胖問題。

以下就係比較著名而且效果有保證嘅機器，大家可以抄低認住佢哋

主要名牌射頻減肥機

Abas Fit

Magic Polar

BTL Exilis Ultra 360

BTL Vanquish

主要激光溶脂減肥機

Eximia HR77

Sculpsure

Le Shape

主要冷凍溶脂減肥機

Coolsculpting

Coolshaping

Cooltone

主要微波溶脂減肥機

Young In

Onda

主要電磁波減肥機

E-Magstorm

Emsculpt Neo

其他電流與及韓式熱能減肥機

Fit Magic Plus

Le Body

Theranova

Cellureon

所以你唔係應該問，邊部減肥機最有效。

你係應該問，邊一部減肥機【對我現時情況】最有效？

價錢越昂貴效果越好，越新越好，呢啲都係新手常犯錯。冇辦法好多美容院與及醫學美容機器生產商都會落好多廣告，向大眾洗腦，認為最新最貴科技先至會幫到你。但其實最終減肥效果好唔好，要視乎你有冇選擇適當機器對症下藥。同落幾多錢廣告真係冇乜關係。

反而太多廣告會令你迷信一啲根本唔適合自己嘅科技。舉個例，如果你自己本身肥胖身材，再去做電磁波增肌減脂，只會令你個身型更為龐大，效果更加嚇死人。生育之後身材問題，個肚有明顯橙皮紋，如果呢個時候你走去做冷凍溶脂，其實係唔可以幫到你收緊身形。因為冷凍溶脂本身並無緊緻肌膚效果，亦都不能夠刺激膠原蛋白生長。呢種情況下你其實係應該選擇熱能方面機器。以上兩個例子可以講到畀你知，不同人其實係適合使用不同科技。冇人需要每次都購買最新科技。現有科技已經幫到你！千祈唔好盲中中羊群心態，人做你又走去做，根本只係嘥錢嘥時間。

做機減肥首先提醒大家，使用機器唔係越高能量越好，亦都唔係價錢越高越好，要選擇適合自己科技，與及營養睡眠等等方面配合，先至會有最佳效果。

呢個亦都係正正點解，做機減肥係唔應該選擇單次收費，亦都唔應該將貨就價，選擇缺乏專業知識以及規模嘅小店。

平價單次收費美容院恐怖事件簿

同大家一樣，我自己都係非常之痛恨某部分美容院hard sell不良銷售手法。但係正正因為市面上有不良銷售店鋪，就更加要小心選擇。因為如果選擇錯誤，後果可大可小。小則就會損失金錢，如果大問題就對身體造成損害。

除咗以上所講明目張膽搶錢嘅方法之外，另外一種比較冇咁明顯，但係其實同樣差劣嘅銷售手法，就係垃圾小店混水摸魚，冇料扮四條，加入搶錢行列。

一啲缺乏經驗，缺乏正確操作手法，缺乏規模，連第三者保險都冇買嘅低質單次收費小店，最鍾意自我宣傳。話低價錢可以平價甚至單次做靚機。

其實做啲減肥本身係一個複雜既過程，機器本身嘅準備功夫，訓練，操作手法，介面使用，緊急停止，評估成果，甚至如何保持最佳水份比例獲得最佳減肥效果等等，都有一個非常之嚴謹嘅要求。一部幾十萬嘅機器，複雜程度與及安全措施之準備一定有番咁上下，可惜好多標榜單次收費或者係價錢平嘅美容小店，往往漠視風險！

就好似一架飛機，無論操作定係維修，其實都相當複雜。冇錯一部有質素嘅機器係重要，但係操作過程同樣重要。搵一啲具備規模嘅航空公司去操作自然冇問題。但如果操作不佳，每一個環節都甩甩漏漏，就有機會造成重大意外。

好似同一架飛機，英美大型一線航空公司營運好多年一直都冇問題；但係如果你畀馬來西亞航空公司營運，MH370成架飛機都可以突然間唔見咗！做機減肥其實係一模一樣，不過出錯嘅機率，比起空難更為常見！一般人中招嘅機會更高。

邊間做機減肥最好？點樣分辨黑店? SWISS REJU好唔好？

頭先已經為大家揭露過，某部分操守極低嘅低質素單次收費小店，標榜低價錢做機其實都只係呃人上去嘅技倆。上到去就會用各種方法叫你加錢做其他無關減肥嘅療程。所以都係勸大家如果真係有心想做機減肥，就會建議您選擇一啲專業做減肥纖體嘅公司。而最好可以同時提供不同能量模式（激光／射頻／微波／超聲波／電磁波），一個價錢可以幫你最快速度達到最佳效果！呢類型高端綜合的療程性價比係最高。

市面上有幾間專門提供纖體服務嘅高級美容中心，SWISS REJU，perFACE，elyze等等都係專門使用正版正機，有規模有質素值得推薦嘅公司。但係亦都有好多其他大大小小公司係黑店，需要大家小心避免。相信大家喺唔同討論區都見過好多查詢，呢間好唔好，嗰間好唔好等等。熱光溶脂好唔好？冷凍溶脂好唔好？隔空溶脂好唔好等等，經常都有人問！

雖然以上所講嘅公司，都係比較正常正路嘅公司，但除此之外亦都有好多黑店係嘗試混水摸魚！討論區或者群組上面有好多網絡打手。就會借機宣傳自己公司點樣好。避免畀打手呃錢，最好嘅方法就係用批判性思考，金田一偵探頭腦去分析！無論網上討論區有人話係好店定黑店，你都需要繼續去搵證據支持，唔好咁容易被誤導。

網絡有好多資訊，但係亦都有好多係打手同埋假新聞。尤其係好多討論區更加一早已經被美容院打手淪陷！市面上有好多減肥機服務，減肥療程服務等等。一個又話自己係隔空溶脂專家，第二個又話自己做微波溶脂出名，總之大把人喺討論區同埋facebook吹水亂噏！咁點樣去判斷究竟一間美容院係咪黑店呢？其實有個好簡單嘅方法，一下子就可以分出高下！

要去分辨一間店舖究竟係咪黑店，就係你要睇下佢對於傳媒嘅態度。一間公司究竟係直接了當歡迎傳媒查詢同埋實測？定係抱著一種逃避傳媒態度？

一啲大型嘅傳媒對於香港市面上不公平事件，係有監察同埋揭露嘅作用。好似點解好多人遇到不公平對待都會選擇去東張西望一樣。大型傳媒始終有公信力，相比起某個匿名網絡打手喺度講下講下，直接觀察究竟大型傳媒點樣評價，尤其係實際測試之後點樣評論一件事，就已經知道間舖頭係咪黑店。黑店係好驚傳媒報道！

大型傳媒對於所有調查報導都需要事實根據同埋需要fact check，而且亦都有採訪組長，編輯，甚至法律部門把關，唔可能將一啲唔係事實嘅嘢報道。大型機構如果唔根據事實真相報道，係會分分鐘惹上官非！所以無論係正面評價或者負面評價，大型傳媒都一定係有事實根據，唔會係捏造。

網上好多人都想知道究竟減肥邊間好？熱光溶脂邊間好等等。亦都想了解究竟一啲大型而比較出名嘅公司例如SWISS REJU，究竟係唔係黑店？會有幾hard sell？其實最簡單測試是否黑店嘅方法，就係睇下有公信力嘅傳媒實測同埋報導。

大型國際傳媒Cosmopolitan親自派人去SWISS REJU測試之後，發覺各方面都係理想，唔單止纖體效果顯著，亦都包括咗獨家營養補充品加強。甚至負責親自測試嘅編輯，亦都有正面評價！不單止確認並非市面美容黑店，甚至比一般美容纖體公司做得更好，先至會獲頒傳媒大獎，Cosmopolitan Best of the Best Awards Panel’s Choice，一個極為權威性與及國際性嘅榮譽！國際傳媒獎項榮譽，大把國際性頂級名牌護膚品都想擁有，因為Best of the Best呢個榮譽係有錢都買唔到。SWISS REJU好唔好？除咗睇傳媒報道，同埋網民分享之外仲可以自己親身試下，體驗乜嘢叫做新一代嘅服務水準同纖體效果。