最新2025做機減肥技術大比拼 冷凍溶脂 微波溶脂 熱光溶脂有冇用
冷凍溶脂有冇用
首先解究一下冷凍溶脂。市場上有啲人以為，冷凍溶脂係一部機，其實係一種技術。不同品牌不同國家都有生產冷凍溶脂機器，當然效果亦都不一樣。比較悠久亦都獲得相當臨床證據證實有效果，就係美國嘅Coolsculpting。 除此以外南韓亦有生產 Coolshaping，西班牙有生產Cooltech，甚至中國大陸都有HonKon。
香港市場上面美國生產機器價錢最高，亦都可以話係佔有比較多市場知名度。不過近年亦南韓技術都已經慢慢追上，亦都係成本上有好大優勢。
為咗應付市場激烈競爭，美國品牌Coolsculpting其實都有優化，最新一代機器有不同的探頭，無論操作與及緊貼肌膚程度等等，都比第一代機器有改善。 韓國Coolshaping，亦已經推出第二代最新儀器，探頭接觸程度以及操作介面等等都有改善。同美國元祖一樣可以話係叮噹馬頭各領風騷。
如果以臨床數據及實證去分析，冷凍溶脂的確可以喺某些特定情況之下帶來減少脂肪細胞效果。如果要去簡單解答究竟冷凍溶脂有冇用精簡答案會係某些情況之下有用。
市面上冷凍溶脂機題可能會有效果，但真正實際具體操作同效果能否真正發揮機器所聲稱作用其實係視乎不同因素。而只有符合全部有利於冷凍溶脂效果的因素，冷凍溶脂先會有效果，先會有用。
但係其實除咗冷凍之外，市面上其他類型機器亦都已經帶來令人振奮減肥效果。本文就會為大家一一去介紹，亦都會詳細比較冷凍溶脂與及其他新式減肥技術有咩唔同之處。
冷凍溶脂價錢一分錢一分貨
做機減肥其實係高能量機器接觸身體，最忌貪平！呢幾年經濟唔好，香港都多咗好多單次收費美容中心，或者聲稱自己唔sell 嘅美容小店，聲稱自己同大集團一樣都係使用靚機。但做落你就知道，好多問題並唔係表面睇咁簡單。
市面上黑店呃人手法，亦都已經進化。好多唔會第一次露出真面目，反而係慢慢陰啲陰啲陰乾。而家就會為揭露，究竟通常啲方法係，點樣做令到你可以有所提防。
你自己都可能見過好多廣告，見到好多單次收費冷凍溶脂，或者係標榜價錢極平嘅冷凍溶脂，價錢可以平到幾百蚊一次！通常價錢極平甚至屬於賤價嘅冷凍溶脂有兩個特點。
第一就係唔會講清楚使用邊一部機，一定唔會話畀你知係用美國Coolsculpting。冷凍溶脂其實可以講緊好多不同類型機器，你以為佢用美國機？其！實佢用大陸機！又或者用喺外國回收返嚟嘅二手機器。嗰啲已經係冇辦法獲得原廠保養，亦都不會獲得代理承認，為免被發現或者查唔到，通常最好嘅方法就係完全唔講用Coolsculpting，但係會令你產生錯覺以為係做美國靚機，現場就做大陸機。
第二就係首次試做價錢不合理地平。 無論係美國還是南韓正廠冷凍溶脂機，其實都需要相當高成本，尤其係有啲所使用嘅一次性耗材必需要通過原廠訂購。所以亦加大營運成本。
醫學美容中心醫生，姑娘，助手等等人工全部都貴，另外如果你選擇比較好嘅地點進行，例如銅鑼灣，尖沙咀，中環，各種成本總和就已經有一個數喺度。 正版貨成本價錢亦都有番咁上下。所以某部分標榜價錢極低冷凍溶脂，或者一個不合理地平嘅價錢，例如$300，係絕對冇可能做到正版貨。
現時香港冷凍溶脂價錢市價參考
如果想進行冷凍溶脂療程，市場價錢係點樣？其實可以參考下最新市場價。
一個部位最低消費 $10,000 - $20,000。如果你本身預算係比呢個數目低，其實比較建議你自己嘗試用其他免費嘅方法減咗先。因為如果本身預算不足，好有機會未能夠完成整個冷凍溶脂完整療程。有機會只做到一兩次，結果唔湯唔水，效果唔明顯。
當然如果你就咁睇網上廣告，會見到好多幾百蚊療程，但係一個部位總消費成本投資起碼都要一萬蚊以上。因為其實冷凍係需要進行幾次嘅療程，雖然佢已經係屬於叫做比較半永久性，但其實即使係原廠本身都會建議你做超過一次。冷凍溶脂療程價錢一定要計埋你做幾次嘅價錢。無論你係做美國嘅Coolsculpting，韓國嘅Coolshaping / Mi Cool，西班牙嘅Cooltech，價錢計算方法其實都係大同小異 。
其中一個冷凍溶脂價錢需要注意嘅地方，就係點樣定義一個位置。香港絕大部分醫學美容中心對於『一個位置』嘅定義，其實都需要你小心去理解。大部分地方所謂一個位置其實只係包一邊手臂或者一邊大髀，兩邊左右加埋，係屬於兩個位置。欣齒收費上係以兩個位置去收費，你要留意返。
就以冷凍溶脂手臂作為例子就算佢唔係價錢好貴， 每一次一part $3000， 做兩隻手屬於做兩part， 就要每個位置做四次來計，總冷凍溶脂價錢會係：
$3000 x 2 x 4 = $24,000
呢個就已經講緊係比較保守同埋比較平嘅醫學美容中心，如果你係去比較貴少少嘅地方，就會有其他開支。香港有部分標榜單次收費，或者水準普通嘅兼職醫生醫學美容診所，冷凍溶脂價錢就會好似頭先估算咁樣平少少。
但如果你真係想做足所有準備，樣樣嘢都係根據原廠規定去進行，甚至想無論係諮詢或者服務都係比較好嘅話，大型醫學美容診所價錢仲會更加高，亦都有其他額外開支需要顧及。例如見醫生本身係有費用，進行冷凍溶脂之後額外購買嘅收緊療程等等，都要再額外收費，價錢亦都唔平。
市面上部分冷凍溶脂價錢極低，其實代表乜嘢？
好多時候消費者接觸醫學美容資訊，往往只係流於IG，Facebook網上途徑，網上途徑可能會畀到一啲資訊消費者，但係相比起整個產業供應鏈，你只係會見到最表面最皮毛部分。如果淨係睇網上廣告同埋一IG，其實都唔會真係知道成本係點樣計出嚟。
有規模嘅醫學美容公司或者美容診所，其實係有相當高昂成本，包括維修保養檢查，駐場醫生人工，具備經驗的美容治療師人工等等。如果只係傾向壓縮成本，的確係短時間之內係可以做到好平。使用非原廠機器， 水貨甚至盜版產品，最低工資，各方面都可以慳到錢。地方偷工減料其實消費者係唔會知，因為眼前唔出意外其實係好難知道底細背後功夫有冇做足。只不過，平價單次收費或者各種不合理價錢其實係將所有風險，危險與及不利因素，全部轉嫁消費者身上！對於美容行業並不太熟悉嘅消費者，好容易因為貪平，自己走咗上去畀人呃！
好多標榜單次收費，甚至係不明來歷嘅小店，一係就係冇醫生，就算佢話自己有醫生，都唔會係駐場醫生。通常都係有需要嘅時候先會打電話嚟嘅外賣醫生！情況就好似有需要先會叫順豐哥哥，或者foodpanda哥哥上嚟一樣。咁你都知大概個服務水準同埋安全程度會係點樣。
某啲航空公司例如馬航， 佢哋價錢一定會比其他航空公司平，但係無論價錢幾平啲人始終都覺得有疑慮，有得揀啲人都唔會去選擇。尤其係越知得多，越傾向避開，你就知點解。唔好以為自己聰明過對方，呢個世界有買錯，好少會有賣錯。
香港平價減肥療程有個共通點，就係冇任何安全保障措施。我當然自己都有試過，先至有發言權，可以話到俾你知點解做機減肥療程或者冷凍溶脂，真係唔好去一啲單次收費或者價錢標榜價錢收費平嘅小店。
冷凍溶脂失敗是否難以避免？
如果上網仔細去研究有關冷凍溶脂科技，就會發現有好多成功例子，但係失敗例子亦都有唔少。過去亦都有外國例子顯示，進行冷凍溶脂之後出現嚴重副作用，不單止冷凍溶脂失敗要進行手術去修補，引起脂肪增生問題！
國際名模向一間大型醫學美容生產商提出訴訟，認為該醫學美容生產商嘅冷凍溶脂機，導致佢身體出現不良副作用，因此佢承受極大痛苦損失！
究竟冷凍溶脂點樣先可以避免出現意外狀況，點樣可以減少失敗，係好重要嘅議題！一定要首先去準備，唔做好風險評估及管理，只會令你大失預算。
其實冷凍溶脂唔係一定失敗，亦都唔係一定成功，其實好視乎個人體質。過往臨床數據發現有曾經參加冷凍溶脂嘅參加者，出現一種叫做PAH脂肪增生情況。即係進行療程之後位置不單止冇減少到脂肪，反而重因為身體組織受到刺激，補償機制令到該部位出現脂肪不規則地增生問題。
當然出現PAH呢種比較極端情況係少見，但係亦都唔係完全唔會出現。如果自己有現時以下狀況，其實係並不適合進行冷凍溶脂：
- 冷球蛋白血症
- 冷凝集素病
- 陣發性冷性血紅蛋白尿
如果有以上身體狀況就不可以進行冷凍溶脂。另外，凍溶脂其實係主要定位改善身體線條，定位減少脂肪細胞，但係並唔係一個傳統減重嘅方法。事實上大部分醫學數據都顯示進行冷凍溶脂之後係不會令到體重下降。
如果你本身係屬於極肥，BMI各方面都已經超出標準好多，其實係唔適合做冷凍溶脂。你做咗效果都唔會明顯。
好似頭先提到，冷凍溶脂如果十年前會係非常之先進技術。但係十年過去，而家市面上係多咗好多更為先進同埋優勝無創科技。令到脂肪細胞狀態改變，甚至可以鍛鍊肌肉，改善新陳代謝，刺激膠原蛋白生長等等良好效果。所以無創纖體方面，冷凍溶脂已經唔係唯一嘅技術，好多過去幾年進入市場嘅纖體技術價錢更平。
做機減肥技術有什麼突破？
好多新科技進入市場，而有幾種無創纖體新科技係值得大家去留意。呢幾種科技都有共通點，就係可以喺無需創傷，而且無需要復原期嘅情況之下，幫你處理脂肪積聚問題。已經比傳統醫生抽脂做手術大為優勝。
以下為大家介紹幾種新科技，可以避免因為傳統冷凍溶嘅脂肪增生副作用。各方面其實都係有所突破同優勝，當然價錢呢就係有高有低，而家就會講解市面上最新纖體技術特點，與及同冷凍溶脂比較究竟有乜嘢唔同。
激光溶脂
相比起冷凍溶脂，激光溶脂有一個好明顯優勢。就係除咗減少脂肪之外。仲可以收緊同埋刺激膠原蛋白生長，令到整體身形更為年輕。早期進行冷凍溶脂療程之後，有參加者發現的確係甩走脂肪，但係亦都帶來一個副作用。就係皮膚鬆咗！因為使用低溫去處理之方嘅冷凍溶脂模式其實技術方面睇唔會刺激膠原蛋白生長，即係話做完療程之後啲皮係有機會鬆弛咗。
尤其係如果你年紀已經有番咁上下，30歲以上嘅話，你就會發覺本身自己新陳代謝都唔係特別快。經過醫學美容程序之後，可能發現需要好長時間，鬆弛咗嘅皮膚先會慢慢緊緻返。又或者好耐都仲未可以回復原狀！如果你自己已經發現新陳代謝變慢，亦都進入初老年紀，就可以考慮激光溶脂。激光類型嘅機器不單止可以消滅部分皮下嘅脂肪，更加可以做到加快膠原蛋白生長。激光中嘅熱力，係會促進身體膠原蛋白激活，唔需要擔心做完之後肚腩或者下半身鬆弛曬嘅問題 。
激光溶脂常見機器：Eximia HR77，SculpSure
激光溶脂價錢性價比： 中上
激光溶脂推薦程度：4 星星
射頻溶脂
射頻溶脂推出市場已經有一段時間，但係一直都維持相當高人氣！主要賣點就係因為極高性價比！同冷凍溶脂不同，無論係接觸式或者非接觸式嘅射頻溶脂，兩者其實都係一個價錢包括大範圍，唔需要好似冷凍溶脂咁樣，將一個身體部位分為好多唔同嘅小部分，逐一收費。
大部分射頻溶脂可以覆蓋嘅範圍其實都幾大，尤其係非接觸式嘅射頻溶脂機器例如睇下有知名嘅Vanquish隔空溶脂，一次就已經可以覆蓋曬成個肚腩位置！性價比極高，亦都係點解好多人進行咗三幾次冷凍溶脂之後，好快就會跳去進行射頻溶脂，繼續療程。
射頻溶脂常見機器：ABAS FIT, Robolex，Magic Polar RF, Cellulite Zero
射頻溶脂價錢性價比：極高
射頻溶脂推薦程度：4 星星
微波溶脂
韓國同埋歐洲都開始流行利用微波作為纖體技術，香港都多咗好多微波溶脂機！相比起冷凍溶脂，微波溶脂係使用極端高溫去改變脂肪狀態，令到過量脂肪冇得留低。其實微波溶脂科學原理，同冷凍差不多。一個係極端嘅熱，另一個大極端嘅凍。
如果相比起冷凍溶，微波溶脂推出市場嘅時間比較短，代表仍然係需要累積操作經驗，以及成功例子。不過微波溶脂其中一個優點，就係價錢真係平。微波溶脂剛剛推出市場時候收費模式就接近冷凍溶脂，即係按大小計算。越肥就越貴！但近年已經有所改變。一啲由韓國生產設計嘅新一代機器例如Young In微波溶脂，就能夠做到大範圍覆蓋，唔需要逐少逐少另外收費，收費模式就接近頭先所講嘅隔空射頻。一個價錢就可以覆蓋大範圍，適合精打細算人士。
微波溶脂常見機器：Young In
微波溶脂價錢性價比：高
微波溶脂推薦程度：4 星星
如何用最低價錢獲得最佳的減肥效果
選擇做機減肥，有好多原因。有部分可能因為趕住結婚大日子，希望用最佳狀態見人。亦都有部分可能自己都頂唔順身型越嚟越肥胖浮腫，甚至有部分可能男朋友都開聲，話唔可以再肥落去！做機減肥的確可以幫到你。不過如果您想獲得最佳纖體效果，其實係有心得，以下呢個心得，係可以幫你慳好多錢同埋慳好多時間。
體質上面改善自己，就唔需要再花費大量金錢， 無底黑洞咁樣購買纖體療程。
真正為你著想嘅醫學美容中心，其實都會鼓勵同幫助你從體質上面優化自己，令到你嘅新陳代謝加快。盡量教導同幫助你減少不必要嘅毒素吸吸，同埋提供營養補充品去幫你盡快排走毒素，令到你做機減肥效果比較好。
傳統黑店美容院因為賺錢嘅誘因，就會傾向叫你購買大量做機減肥療程，咁樣佢哋先搵到錢。但係對於你嚟講，唔單止需要花多咗錢，最大嘅問題其實係過份依賴減肥機其實對整體纖體效果有副作用，反而減肥效果會冇咁好。
真正有良心而且具備專業知識嘅醫學美容中心，會話畀你知市面上嘅做機減肥療程，包括冷凍溶脂，微波溶脂等等，其實主要功效係做到身體修形改善，減走部分脂肪細胞。並唔係傳統體重管理。如果你想收緊美化之外，連體重都減輕，做到身體機能都得以改善，就會建議你同時去做（1）減肥機；與及（2）營養減肥營養補充品，SWISS REJU熱光溶脂會係一個適合選擇。
市面上大部分做機減肥療程有個共通點，就係價錢貴，而且未能夠從飲食卡路里方面作出調整。但自從綜合療程SWISS REJU熱光溶脂推出之後，就已經徹底改善呢個舊有狀況，令到大家更快獲得理想效果！
SWISS REJU熱光溶脂綜合式減肥療程，唔單止係做機減肥咁簡單，甚至會提供有營養師專門設計嘅營養補充品，改善現代人因為休息不足，生活壓力過大，經常外賣或外出飲食導致嘅壓力肥。同時使用世界級減肥纖體機器，強化體質，亦都唔會造成依賴嘅副作用。而且由於一個全包價錢，已經包含咗不同類型機器，可以話性價比極高！
Leave a Comment