微波溶脂Onda減肥有冇用？要有效果必需要做對5件事！（最新微波溶脂價錢）
市面上起碼有一半嘅微波溶脂美容院地方都係用錯方法，導致好多人發覺減肥效果不理想，就會讓自己嘅失望變成對於技術嘅懷疑。不停問究竟微波溶脂有冇用？Onda減肥有冇用？要去理解一件事，客觀與及科學精神最緊要。最好就唔好抱住過分樂觀或者悲觀，先入為主嘅情緒。 其實去理解醫學美容方面，客觀性係極重要。
微波溶脂Onda減肥有冇用？其實係有用，不過亦都有技術方面限制，與及有慎重考慮的因素。總之對於微波溶脂技術，你越知得越多，就越能先至能夠了廣告宣傳背後不為人知的真相。
做機減肥的真相
有人話美容院做機減肥一定係呃人，呢種係過份悲觀而且缺乏科學理性嘅失敗主義心態，並非真正科學求真精神。亦都有另外一堆人會覺得做機減肥係靈丹妙藥，無論點樣暴飲暴食，只要肯畀錢美容院，都可以即刻光速變瘦，唔需要運動！呢種神化美容院，近乎神蹟嘅想法，亦都係錯誤理解，屬於過份樂觀。
要去真正判斷做機減肥有冇用，微波溶脂有冇用，其實最好嘅方法並唔係睇網上廣告。反而係真係要用科學眼光，嚴謹嘅批判精神去理解。微波溶脂技術的原理，效果，可能出現的副作用，價錢，等等各種因素都要首先去我哋出同埋去比較。唔好先入為主覺得一定係好或者唔好。
你適合做微波溶脂嗎？
講起微波溶脂，依家香港市場情況都幾混亂。無論技術理論、操作講解、從業員訓練、消費者教育等等方面，都想比起其他較為成熟嘅減肥機技術，有好大距離。再加上過去幾年香港疫情嚴重，令到好多外國專家、儀器生產商代表未能準時到達香港，出現知識斷層問題。
Onda微波溶脂適合以下幾類人：
有錢願意付出金錢嘅人。微波溶脂其實整體價錢比較昂貴，只係適合金錢上比較充裕，有充足資本，準備願意花費一筆可觀金錢（$30000 - $50000）以上，進行完整療程嘅人。因為微波溶脂花費好大，亦都最驟忌平價供應商，下面會話你知點解。
有耐性有時間等待完整效果嘅人，因為微波溶脂要見到整體效果，其實係需要好耐時間，同冷凍溶脂差不多，都係需要等60至90日嘅人。
願意調整生活習慣嘅人。如果進行纖體療程之後唔改變生活習慣，係會極速反彈。
現時香港微波溶脂有什麼問題？
首先要同大家講清楚，Onda微波溶脂係屬於市場上比較嶄新，相比起其他做機減肥科技例如冷凍溶脂、隔空溶脂、甚至射頻等等，有關微波溶脂方面支持以及市場數據，仍然比較少同埋缺乏。可以當微波溶脂技術作為一種比較新嘅技術去嘗試同探討，但佢本身定唔係一種已經存在於市場好多年，擁有龐大臨床實證數據嘅減肥機模式。
如果你自己本身係屬於非常數據邏輯型嘅人，好着眼於一個減肥科技本身係咪擁有強大臨床案例，成功例子數據與及龐大醫療歷史去支持，微波溶脂由於推出市場時間比較短，相信就唔會適合你！你可能會適合選擇一些已經推出市場一長時間，有好多臨床數據與及成功個案的科技。例如隔空溶脂，冷凍溶脂等等。雖然唔算係好完美嘅技術，但係起碼喺市場已經一段長時間，獲得大量臨場數據同埋科學研究支持相關理論同成果。知道隔空溶脂同埋冷凍溶脂大概係去到咩水準，畀咗錢都唔會完全冇效果，只係效果有幾明顯咁解。
如果你自己本身對於新事物不抗拒，認為一試無妨，就可以留意以下詳細微波溶脂教學！可以幫你慳好多錢同埋好多時間 ！
回歸正題，究竟香港微波溶脂有乜嘢問題？現時好多有提供微波溶脂科技嘅公司，都會將微波溶脂效果神化，甚至接近吹水！誇張宣傳講到好似有乜嘢神奇減肥效果。其實微波溶脂係無創纖體科技其中一種，但係要獲得纖體效果，係需要配合多方面因素。並唔係話做咗一次機，就能夠獲得一種近乎奇蹟減肚腩嘅效果。誇張失實嘅宣傳其實好令到微波溶脂聲譽受損，好多古靈精怪嘅騎呢小型公司為咗博出位，P圖整假相又有，作出各種誇張宣傳又有，亦都令到好多人懷疑技術本身係咪有問題。
獲得比較健康嘅身型，係需要良好生活習慣去配合。包括：多飲水，多進食高纖食物，減少肥膩食物，每日要有充足運動量等等。以上其實全部都係會影響最終減肥結果。做機減肥係幫得到你，但係要發揮完整效果，其實都要以上嘅良好生活習慣去配合。
好可惜現時好多提供微波溶脂服務嘅公司，無論係大公司又好細公司又好，都往往只係集中於高能量機器所能夠帶來嘅效果。有意無意之間，忽視其他生活習慣配合嘅重要性。亦都有部分客人因為相信廣告宣傳而花費大量金錢，購買好多微波溶脂療程。但發覺即使願意花費大筆金錢（$5－10萬以上），但係自己纖體速度都非常之緩慢，甚至做完幾次之後已經極速反彈，未能夠維持纖體效果，覺得好嘥錢又嘥時間。
Onda減肥有冇用，除咗取決於部機本身，亦都好取決於使用者，即係你本身！
事實上真係好多人會將減肥纖體嘅責任，賴去美容院甚至一部機上面。部機又點能夠去管束你自己嘅日常生活習慣？點去影響你自己嘅睡眠充足程度？機器亦都唔會提你去飲水，甚至你自己每次寧願搭uber都唔行路，幾步路都唔想行。以上有咁樣嘅問題，機器真係幫唔到！因為機器設計本身並非設計用作改善生活型態，唔能夠幫到你去優化自己生活，從而改善身體質素。機器極其量可以幫你做到嘅，係將你身上嘅脂肪細胞，通過高能量方法去改變狀態，比較容易甩走。就係咁多！
好多香港人對於做機減肥與及做運動兩個概念混淆。當然有一啲死硬派認為，做運動就足夠，唔需要去美容院做機減肥！亦都有另外一派人尤其係現代港女，會覺得只需要去美容院做機已經足夠，無需運動！
就算即使以微波溶脂生產商作為例子，佢哋都鼓勵參加者有健康生活習慣同埋正確而不過量嘅飲食，先至能夠發揮效果。
現時好多香港人面對係一種比較特殊嘅情況，亦都係好多所謂港男港女面對嘅壓力肥問題。 工作時間長，休息時間小，經常外出進食不健康食物，長期玩手機導致戶外活動減少，加上整體社會氣氛差導致精神困擾抑鬱等等，亦都係香港人常見導致運動量不足的壓力肥胖問題。
究竟適唔適合去做微波溶脂，其實要考慮到自己是否下定決心去大幅改善自己生活習慣，從一個長期不健康壓力肥又抑鬱嘅狀態，變成一種每日有充足活動量，健康生活配合高能量機器去改變肥胖問題。除非你自己有咁樣嘅覺悟，否則只係去做微波溶脂機，其實都係嘥氣。
有時都會勸大家用一個比較理性嘅眼光去理解，與及科學性方法去分析問題，你就唔會咁容易比坊間嘅美容院廣告宣傳吸引到。 無論你最後選擇微波溶脂，隔空溶脂，冷凍溶脂，又或者完全唔做機減肥，用其他方法去處理肥胖問題，起碼你都做曬功課，了解到你選擇嘅方案係一個你適合而且願意承擔後果嘅方案。如果你要將微波溶脂效果發揮到極致，正確使用療程其實係極為重要。
香港劣質微波溶脂的荒謬，做機減肥切忌單次貪平
Onda減肥有冇用？其實效果好視乎你喺邊度做。究竟正規舖頭做微波溶脂，同埋一啲所謂單次收費嘅地方，有乜嘢分別呢？
對於如何去比較不同美容院進行微波溶脂，好多人係『撞手神』，即係純粹靠運氣去選擇。呢種選擇模式其實好容易出問題。任何需要知識性與及專業性嘅療程係唔應該用撞彩方法去進行。
香港有部分山寨美容工作室以無知為榮，甚至標榜自己係不受坊間束縛嘅小店，好聽啲就叫做貽笑大方，直接啲講就真係X出國際。對於醫學美容有少少認識嘅人，對於如此兒嬉而且危險嘅做法，都會抱著極為懷疑嘅態度。
如果你最後選擇做微波，第一件事就係千祈唔好貪平！因為呢個科技並唔適合太小型嘅公司進行，亦都唔適合缺乏規管嘅公司。一啲毫無規模嘅公司其實代表喺操作，安全，知識，考核，維修，急救方面，全部都欠缺！即係所有嘢都係below average！當所有嘢都係below average低標準，好難說服自己係做緊一個有質素嘅療程。除非你自己都係屬於低質，對所有事情都係抱住一種得過且過嘅態度，否則你去貪平做呢類型標榜單次收費或者極低價錢嘅療程，其實只會令到自己唔開心。
呢個世界有質素有水準嘅事物其實都一定都需要成本。呢個世界冇乜高質素嘅嘢係平，無論係護膚品，化妝品，手袋，樓盤，甚至男人都一樣。世界上所有有少少質素嘅事物，其實都有價值同要求。正如隨著你自己工作能力增強，你而家嘅人工，亦都比啱啱畢業嘅時候提高咗好多。高質素嘅女人自然會用高質素嘅產品， 低水準嘅女人亦都只會喜愛同自己相同層次嘅事物。 千祈唔好貪戀一個低質素嘅人生。
如果一個人話想做你朋友，但係佢話佢自己係冇任何優點，佢唯一嘅優點就係cheap同埋來者不拒，你聽到都唔會想同佢一齊啦係咪？呢啲質素差劣嘅人做朋友都費事。 但係低質素嘅美容院仲要求你畀埋錢佢喎，係咪好騎呢，好唔合理？
大家可以回想一下有乜嘢人係來者不拒？就係最低質素，冇無議價能力，咪來者不拒囉。呢種標榜cheap，標榜任何人都可以做，其實諗深一層好有問題。呢啲人你連做朋友都費事，點解要將自己下降到同呢啲人同一個level呢？做機減肥美容纖體其實都一樣，一啲標榜價錢極低，就肯定低質素啦，低質素但係你仲要畀錢佢，唔好玩啦。
女人最聰明嘅投資，就係投資自己。一個人去得多呢啲標榜低消費低水準嘅地方，整個人嘅氣場與及氣質都會下降。唔肯投資自己，貪小便宜貪平，就係成為劣質師奶嘅最快途徑，唔好話男人睇唔起你，女人都睇你唔起。有啲嘢做衰咗就冇得返轉頭，唔肯投資自己導致所有嘢都甩甩漏漏，最後蒙受損失嘅一定係自己。
如何分辨微波溶脂有冇質素？會教大家從以下五個層面，去判斷你的美容院究竟係咪適合考慮購買療程。微波溶脂有效果，就一定要做對以下5件事。
1 正廠正版機
呢個係最低標準，如果所使用嘅機器都唔係原廠正版，係一啲不明來歷嘅水貨，老鼠貨，或者大陸山寨廠產品，可以直接轉換公司。
2 屬於正規正當經營，並非單次收費或山寨小店
當然好多單次收費經營嘅地方，都係使用正版機器。由於操作微波溶脂其實需要相當複雜知識與及訓練手法。好多不良經營嘅小店，其實誠信有問題，參加療程之後甚至連單據都唔會畀你。如果要避免出現各種不幸事故，一定要搵正規有足夠訓練嘅公司進行。
3 對於微波溶脂技術有深入認識
必須對於儀器操作原理，介面使用，事前準備，之後護理等等有深入認識，只有具備充足專業水平嘅醫學美容診所， 先至能夠避免出現意外情況
4 留意隱藏式收費
不少小型美容院都有隱藏式收費，尤其係一啲本身歷史不算太悠久，亦都冇乜商譽可言嘅小型工作室，好多時候都會有濫收費用嘅問題。即係同你進行療程之前講嘅價錢同真係最後嘅收費係有好大分別。無論替微波溶脂有好，或者係其他類型嘅做機減肥都好，最好搵一啲具備相當規模嘅公司，以免出現因為價錢問題而爭執，或者被濫收費。
5 誠實報價
微波溶脂機器本身其實都有相當大成本，一間有誠信嘅公司，係會直接話畀你知療程價錢成本會係點樣計。
微波溶脂事前的準備功夫都要做足
Onda微波溶脂同其他所有減肥方法一樣， 無論係事前或者事後，都有一定準備工作與及後續工作。其實需要仔細準備，所以並唔適合衝動型消費者。
花錢購買任何療程之前，最緊要搞清楚自己需求。因為有部分人生活習慣係適合做機減肥，亦都有部份人其實係唔適合。
如果你係衝動消費或者因為美容院顧問講兩句令你心郁郁，又或者睇到網上某啲真假難分的前後照片圖令你心動的話，你就要首先明白，微波溶脂需要的準備功夫與及過程，遠遠比你想像之中複雜。當中亦有好多需要注意的地方，包括適當時候需要補充水份，而其他時候需要避免水份接觸皮膚，你都需要預留時間去見到完整的療程效果。
之前做好研究與及身體的準備，過程之中小心進行療程，做足跟進工作，會大大提高你微波溶脂成功機會。
微波溶脂並不適合所有人
任何類型的能量早啲減肥技術，其實都會有清晰的指引，去防止出現濫用的情況。而事實上每一種能量機器，都會有一定的禁忌，所以係需要先清楚了解。
微波溶脂對於以下情況的人並不適合做
• 懷孕
• 治療區域的皮膚病
• 心臟病，血液病
• 癌症
• 不受控制的糖尿病
• 18 歲以下
• 嚴重的血管疾病
• 金屬植入物和起搏器
• 凝血障礙
微波溶脂準備功夫：如何避免微波溶脂副作用
微波溶脂究竟會唔會造成副作用，好取決於整個過程是否完全根據廠方安全指引去進行，定係求其亂咁做。因為如果好多步驟做錯咗，安全措施冇跟從嘅話，的確係有機會會導致出現嚴重微波溶脂副作用！
其實有關微波溶脂的準備功夫，有好多係與「水」有關。微波纖體成果收購與否，甚至過程是否安全定係出問題，都好多時候同水及濕度有直接關係。
如果大家想安全地進行療程，首先請了解水份運作。
微波溶脂操作方法，其實係通過使用特定的微波去加熱身體裏面的水份，當中使用的原理其實都係通過水份震盪去造成熱力，就以市面上常見的Onda微波溶脂機作為例子，機器本身會令到身體裏面的水份出現震盪，加熱到大約攝氏50度到53度。但如果使用者本身有防曬、含有水份的body cream，就有可能會令到機器發射出嚟的能量未能夠準確有效地達到脂肪層面，反而表皮會吸收過太大的能量，令到佢表皮出現紅腫甚至受傷的情況。
所以如果要進行療程，就一定要小心避免身體裏面有過多的水份，尤其係不應該使用含有大量水份的body cream、或者透明質酸身體乳液，否則影響整體效果之餘，更有可能造成表皮的創傷。
根據官方資料顯示，含有水份的身體乳液或者護膚品，需要一星期前停止使用！希望進行療程的人士務必注意！但係香港竟然有啲冇科學知識，無危險意識嘅小店，竟然叫人哋搽精油先進行療程，絕對係靠害！
微波溶脂，絕對唔應該好似坊間小型美容院咁樣隨便做亂咁做，因為好多嘢都真係需要仔細教學，喺第一個階段（未進行療程）要避開水，但係第二個階段（已經做咗療程），就要大量補充水份，以幫助身體淋巴系統排出經過處理後的脂肪毒素加強減肥效果。
當完成微波溶脂療程之後，身體需要大量補充水份！呢個時候，就係適合進行大量飲水。因為經過微波能量處理的脂肪細胞，係需要通過身體的循環系統排出體外，如果沒有充足水份，就反而會減慢了脂肪排走的過程，令到做機減肥效果打折扣。
做微波溶脂療程淨係飲水咁簡單都需要有學問，大家就明白點解科學知識係咁重要。千祈唔好貪平去一啲標榜低價錢嘅地方做，肯定出事。
Onda微波溶脂價錢
究竟而家香港做微波溶脂價錢係點樣呢？有啲人覺得因為微波溶脂價錢比較其他療程貴，就會傾向搵一啲所謂單次收費，或者係小店去進行。但其實正正因為微波溶脂技術比較近期，通過準確使用技術，可以減少需要嘅次數，變相可以令到整體成本降低。如果你要令到微波溶脂價錢減到最低，其實要睇嘅唔係每次價錢最低，而係總成本最低。
呢個時候你更加需要搵一啲具備相當專業知識，可以幫你仔細設計療程嘅公司，而唔係盲目選擇單次收費。
好簡單，如果一間公司可以幫你選擇正確探頭，正確大小，教你養生之道，令到你減肥效果持久不反彈，而需要次數可以由六次減到三次，你就已經慳好多錢。
微波溶脂幾耐做一次？需要做幾多次？
其中一個有關做Onda微波溶脂機減肥類型療程的常見問題，就係究竟應該幾耐做一次，同埋需要做幾多次。
需要使用的次數與及時間間距，亦都係好多新手學習微波溶脂常犯錯誤。如果要獲得最佳效果，每次微波溶脂之後起碼要相隔一個月，才能做下一次療程！
香港有部份小型美容院會建議參加療程要密集地進行，但其實微波技術並不同於其他技術，並不建議使用太過頻密。一個月只做一次，其實係比較安全和比較適合。就算根據廠商官方建議，進行療程之後，都需要最少三星期到四星期，先至可以再去做下一次。不按指示進行，就會為自己帶來不必要的風險！
當然有啲根本不知所謂嘅小店就為咗貪顧客經常幫襯就冇話畀佢知其實需要等一個月，以為好似其他機咁樣，可以密集去做。結果就會為顧客帶來極大風險。如果自己並冇做足微波溶脂安全措施，甚至故意不根據原廠安全指引亂咁做，希望做多啲去獲得更加明顯嘅減肥效果，你有機會令到自己置身於極大嘅危險之中！
如果想安全有效咁樣進行微波溶脂，就最好搵具備相關經驗與及專業嘅公司。
呢幾間公司都係香港較為具備質素嘅微波溶脂供應商。視乎你自己預算與及地點等等，可以優先考慮3個：
微波溶脂供應商推薦１: 中環SWISS REJU熱光溶脂 (Best Choice)
做機減肥最緊要專業！最新微波溶脂療程，仲加埋獨家技術『熱光溶脂』，一個療程已經包括市面上最新嘅射頻 + 激光 + 微波 + 超聲波 + 電磁波技術，而且仲可以做免費諮詢。療程仲包括營養師設計減肥產品，性價比同效果都相當高！一個價錢全包無須擔心額外收費，適合大部分初次做機減肥人士。之前仲同男神余德丞合作廣告，又同MIRROR合作拍品牌mv！市場討論程度高，平均價錢亦都比較平。
微波溶脂供應商推薦 2: Lambre Health
由陳葦璇代言，價錢稍為貴少少，減肥療程主要係做機為主。不過環境幾靚，環境相當舒服。如果鍾意陳葦璇嘅粉絲就不容錯過。
微波溶脂供應商推薦 3: elyze
elyze都有提供微波溶脂服務，如果自己本身喺集團有療程嘅話就可以順便試下。優點係大公司大集團，不過價錢應該係3間裏面最貴，而且應該好似一定要買療程。 預計都可能要洗大概5萬以上，比較適合一啲有心理準備洗幾萬蚊嘅人。
Leave a Comment