中環美容院攻略：高質素未必一定貴！3間美容編輯推薦 + 提防大陸黑店

中環有冇一啲高質素而又唔hard sell 的美容院？如果去中環做美容院價錢大概點樣？中環美容院同其他地區在收費、服務、消費模式方面都有不同。如果唔想埋單大失預算，或者去錯極昂貴高級中心俾人眼的情況，各位可以首先了解中環美容中心最新的狀況！

問：你適合去中環做美容護理嗎？

答：中環美容院同其他地區的美容中心，係有本質上不同。中環係屬於黃金地段純商業區，中環其實唔係太多住宅項目。所以位於中環的美容院主要客戶，其實係附近返工的高收入白領，同超高收入的金領，與及根本唔需要做的富二代、明星、名媛、trust fund babies。

由於中環人均收入、資產值其實會比其他區域高，所以對於服務產品等等都比較有要求。中環的美容院其實質素、價錢亦都係中上。

因為中環地理位置獨特，租金係世界級水平，所以經營成本亦都比較貴。無論任何行業，包括醫學美容，店舖的大小亦都會偏向比較細而精緻。普遍位於中環的美容中心對於時間管理、房間時段的要求亦都比較嚴格。

中環美容院的主要客戶係願意消費、希望獲得優質服務的高水準客人。大部份人都願意花多少少錢獲得最佳服務同享受，但如果價錢要最平，中環美容院未必啱你。

問：中環美容中心最新價錢範圍？

答：中環有好多高級的美容中心、美容院、醫學美容診所等等，卻不是每個人都適合做。因為中環的美容中心有一個共通點，就係價錢一定唔平。不一定好貴，但價錢收費一定會全港平均收費之上。

中環美容院價錢，能量機療程例如激光或射頻每次收費：

中型醫學美容 $2000-$4000
醫生診所 $4000 - $6000
大型醫學美容集團 $1500-$6000以上（需要預繳購買療程格仔才享用低價優惠）

當然亦都有部份例如好似中環SWISS REJU價錢係會平啲，而且唔需要大量購買，之後會詳細介紹。

中環的美容院價錢比較貴，除了因為地段價值租金售價貴之外，另外一點是因為使用的醫學美容機器、裝修、產品質素等，通常都會比較好。因為使用的機器多數都係A Grade （醫學美容機係有分Grade)。

好多在中環工作的白領都屬於高收入人士，他們亦願意為有質素的服務付出比較高的價錢。而有質素的產品和服務，成本係會比較高。所以中環的美容院價錢，通常會比其他區域貴50%左右。當然有些比較貴的醫學美容診所，因為有大量一線明星的加持，價錢可以高達3倍以上。

如果你正在思考自己是否應該去中環試試比較高質素的美容護理，可以先問問自己是否有消費的心理準備。一般中環醫學美容診所的能量機例如激光美容、高能量射頻、HIFU最低消費$2000-$3000左右。稍為有少少質素的中環美容中心都會是這個價錢。

問：中環美容院會否好hard sell？

答：有關中環美容院，有一個好好嘅優點，就係通常比較少出現hard sell情況。

客戶服務方面，中環大部份的美容院其實都比較仔細而且比較高質素。除了一些大型的連鎖店因為全港的銷售政策都係瘋狂hard sell之外之外，一般中小型的中環美容院普遍都不算太hard sell。多數都不會出現旺角、觀塘質素的美容院落閘放狗的黑店情況。

大部份的中環美容中心，完成療程之後，一般都會輕輕一題問吓有冇興趣join package，但通常都不會特別hard sell。這是中環美容院的優點之一。

中環美容院的收費屬於可負擔範圍的輕奢範圍的服務。

另外一點可以考慮自己是否適合去中環進行美容療程，就係地點的方便程度。大部份的中環美容診所、美容中心環境裝修都不錯，但由於美容療程本身是一種需要定期進行的療程，所以地點的方便程度好重要。

所以大家如果選擇到中環做美容護理療程，最好搵一些比較接近中環站、香港站的醫學美容中心。干諾道中、德輔道中位置的美容中心其實比較好。部份位於較偏遠位置的中環美容院例如接近威靈頓街、士丹頓街、甚至堅道的美容中心，其實就真係要細心考慮了。因為去一兩次係冇問題，但如果你買咗療程，基本上你每個月都要去幾次，每次都要行上山近20分鐘，有時落大雨、閃電行雷，其實都幾唔方便。所以都係建議大家選擇比較近港鐵香港站的皇后大道中、干諾道中、德輔道中等等地段的中環美容院。

問：中環醫學美容中心的科技同其他地區有啲乜嘢唔同？

答：如果你的目的係做醫學美容類型、高能量機器類型例如激光美容、射頻、HIFU等等，中環其實會係比較多選擇，而且比較安全的區域。

事實上大部份你講得出名嘅名媛、當紅男女明星，其實都係中環做treatment。

複雜性比較高、而且價錢比較昂貴的美容科技，多數都會常見於中環的高級美容院。

坊間其他區域的美容院，尤其是出名多問題的旺角、觀塘、葵青、元朗一帶、因為客人質素參差，消費力未必好高，導致這些區域的美容院普遍會購入一些平價的內地機器，這些機器大部份都係來自中國大陸的工廠、淘寶等，無論係安全性定係效果其實都麻麻哋。

中環的美容院在另一方面，因為普遍客戶的消費能力高，使用的科技機器都比較鬆而且比較有效，多數都係原廠正貨，如果以平均水準來講，中環的醫學美容科技其實比其他區域好。就算係同一個科技，例如係單極射頻、激光美容，中環美容院所使用的機器檔次和廠商都比較好。

問：中環美容院明星效應值得參考嗎？

答：中環醫學美容診所、美容中心都有好多明星和名人推薦。例如最經典的高貴CosMax就係由女神黎姿悉心去經營。上市公司perFACE也獲得名模熊黛林成為代言人，其他中型的美容中心例如例如SWISS REJU，亦曾經獲得超人氣組合MIRROR、億萬高富帥男神余德丞、星夢一哥胡鴻鈞推薦。以上幾間係比較正常、比較有質素的中環美容院。

(中環SWISS REJU)

雖然總體來講，中環的美容院水平係比較好，但係亦都有一些害群之馬會做出各種行為，令到消費者蒙受損失。所以大家最好都係要留意以下幾個常見的中環美容院劏客招數：

中環美容院劏客手法1：劣質美容院冒充高質美容院

大家對於中環的美容中心普遍都有正面的印象，而且都幾明白到這個地區冇可能價錢太平，所以一般都有心理準備會俾錢，希望俾咗錢之後會獲得夠優質的服務。其實中環美容院都分檔次，有分優質和劣質。通常中環最核心地帶，干諾道中、Landmark、Exchange Square、IFC的價錢會係最貴而服務最好。這就是傳統「中環美容院」的黃金標準。

中環外圍區域例如士丹頓街、威靈頓街、蘭桂坊位置，由於比較偏遠，通常都會係次一等的公司。接近上環，又或者行人電梯附近的唐樓美容護理中心，由於機器、裝修、方便程度等等都只能夠用普通去形容，缺乏貴價激光射頻等服務。其實和其他區域人手美容護理差不多。有些位處欠佳舊中環位置的舊式唐樓美容院，會像其他位於核心區域的中環美容院一樣，收取高昂的費用，有些不知道內情的遊客、初到中環工作的人，就會因為他們同樣在地理上是位於中環，就覺得價錢係正常，其實係overcharge。

這些位於唐樓、或者蘭桂坊殘舊的所謂美容中心，做一個美容護理可以高達$4000 ，但美容師可能連證書都沒有，質素普通，這些以前是用來呃遊客，現在比較少外地遊客，就轉為呃香港人。所以都係建議大家集中看一些於中環黃金地段例如干諾道，德輔道中、Landmark一帶的高質素美容中心。

中環美容院劏客手法2：買療程後只能做一次，之後永遠Book唔到

同頭先所講一樣，中環美容院都分級數。如果係比較價錢昂貴，但質素比較高的，普遍購買療程之後都能夠成功預約。不過亦都有一啲係其他區域的大型連鎖店，將分店擴充到中環。這些連鎖店由於是跨區域，本身是惡名昭彰的黑店，好容易出現中環收費， MK服務的問題。

其實香港大部份的美容院，無論係屬於中環還是其他區域，都會將客戶分為不同的消費群，消費多或者經常購買療程產品的，多數都會獲得優先安排預約房間，尤其是繁忙時間例如週末、收工時間等等，多數都會獲得優先安排。這是正常的商業行為。但對於一些極為孤寒的客人，任何區域的美容院其實都不會安排最好時段。而中環由於經營的成本甚為昂貴，對於一些消費極低的客人，就多數都book唔到，又或者只能book到最差時段。

一些比較正常的中環美容院，會好直接告訴低消費客人，如果使用優惠平價團購，多數只能安排早上的時間，客人可以自行決定是否購買。但亦有一些大型的連鎖店，不會事前告訴客人如果消費未達到一定的金額，根本不會安排時間和房間。有些低消費的客人可能只上花費幾千蚊，這些店舖收錢之後，只會安排一兩次，之後就永遠book唔到了。幾千蚊唔係好多錢，但係山大斬埋有柴。呢類型劣質美容院，常見於美容中介平台。建議大家都係唔好亂咁去試。

優質的中環美容中心通常有以下幾個特點：

地段優秀，位於一線甲級商廈，例如干諾道、德輔道中
使用的機器具備國際認證，例如FDA、CE、KFDA
產品品牌屬於正常來源，並非大陸山寨貨
具備一定的規模，獲得明星名人推薦
消委會沒有成立的投訴
環境衛生乾淨

(中環SWISS REJU)

以下3間位於中環的美容中心，就已經符合以上的條件，可以優先推薦。

四季酒店
相對低調的四季酒店美容服務，絕對係成個中環裏面質素最高的一間。四季酒店房間非常寬敞，而且有獨立的衛浴設施，而且光顧美容服務，可以使用酒店spa裏面的大型的jacuzzi。買一個價錢可以兩種享受，如果鍾意水療就比較底。留意酒店係需要俾service charge ，面部療程最低消費價錢$3000起