VITAE by CosMax 好唔好？詳細分析「心形面」療程優點缺點及最新價錢

網上好多人都有興趣試吓VITAEby cosmax，對於vitae好唔好都有大量興趣及討論。唔少人都會想知道vitae試做之後價錢、效果等等。

VITAE by CosMax由女神黎姿開辦，陳法拉代言。服務水平、產品質素、明星代言各方面都有一定水準嘅美容院，主打「心形面 Face Gym」與及少量的緊致身形「BodyFit」療程。

VITAE係咪值得去試？如果有興趣想去試做，又有乜嘢需要注意？今次就會同大家詳細分析究竟VITAE by CosMax 好唔好。

VITAE by CosMax適合你去嗎？

對於市面上任何一間美容院，好多人第一個問題會問就係是否hard sell。事實上好多網上討論任何一間美容院品牌，都係圍繞銷售過程與及手法。小編唔係要去抬高任何品牌，但係圍觀現時網上好多有關VITAE嘅討論，小編想講幾句比較公道的說話。

其實任何品牌、任何產品好唔好，不外乎付出的「價錢」與及獲得的「質素」。而香港係一個比較成熟的市場，質素往往都係已經反映喺價錢入邊。價錢太高而欠缺質素，市場自然會淘汰。價錢高而質素高，亦有可能因為期望問題，導致消費者有不同的意見。

以VITAE by CosMax為例，開宗明義已經話明叫做「生活輕醫美」，即係有生活美容成份，亦都有醫學美容成份，價錢當然會比純粹前者高。

大家只要稍為留意吓廣告數量、聘請的代言人、所在的地理位置（半島酒店辦公室大樓全層、中環新世界大廈全層、銅鑼灣金朝陽廣場penthouse），就可以知道VITAE by CosMax投資成本極高，令到客人會有最高享受，成本投入方面絕對係冇偷工減料。位處半島酒店，就可以知道市場定位會係主打邊一類型客人。

再留意一下，VITAE by CosMax的代言人包括創辦人黎姿及陳法拉，兩位平時都係代言開國際級數的一線品牌。代言人身份已經係一種強烈指標，顯示出品牌大概會係低檔市場、定係高檔市場水平。

VITAE by CosMax無論環境、地點、品牌、服務等等其實都係市場上比較頂尖，所以價錢係絕對唔會太平。

討論區上有關VITAE hard sell的討論，其實有可能係因為去試做嘅人，未必了解當中成本與及品牌投資，故此出現期望落差的情況。

某部份網友可能平時比較少去頂級的美容中心，如果以屋村商場普通人手facial來講，VITAE by CosMax肯定貴一大截。你可能只係諗住去試一試，但其實呢個級數的美容中心未必太歡迎純粹嚟試吓嘅人，因為經營的成本其實極為昂貴，並非如同普通屋村質素的美容中心。因為兩隻根本完全不同級數，經營的成本亦都差好遠。

有部份網民一睇到VITAE 價錢原來同想像中有出入，就自然會傾向覺得對方可能好貴，或者同顧問傾嘅時候因為價錢無法達成共識，就會覺得對方好hard sell。但其實如果你仔細去考慮當中使用的機器成本，與及租金等等，現時VITAE by CosMax的收費仍然屬於合理水平。

小編個人經驗，VITAE by CosMax唔算真係好sell，相比起街邊傳統黑店，價錢其實溫和同正常好多。尤其係購買療程之後，都會有少量免費贈品、送多少少療程，平均價錢計算其實唔係真係好貴。有部份經常話VITAE hard sell網友，小編其實都幾懷疑究竟佢有冇去過其他美容院。

問：VITAE by CosMax幾錢？一般價錢範圍？

答：VITAE by CosMax曾經推出免費試做，不過好似取消了。不過亦都有比較平價療程，可以比有興趣試吓的人了解不同的機器

VITAE by CosMax 心形面試做價錢
$1388 可以自選3部機。試做一次價錢，每人只可享用一次。

VITAE by CosMax 心形面入門級療程的價錢
約$30,000 12次

其實如果有興趣去VITAE by CosMax，價錢大概$30,000左右係一個合理預算。

問：VITAE by CosMax「心形面 FaceGym」其實係乜嘢？

答：呢個稱為FaceGym獨家療程，其實係使用幾項嶄新的醫學美容科技，其中包括微電流micro currents、軟激光 led laser、射頻RF等等高能量的機器，刺激面部肌肉，從而達到膠原蛋白生長、與及面形緊致的效果。

VITAE by CosMax FaceGym使用的機器其實係Cutest SPED Simultaneous Photo Electrical Delivery、BTL Exilis Ultra 360、BTL Exilis Elite 的核心科技。以上幾個都係具備一定水準的醫學美容生產商，如果純粹睇使用機器的級數，其實都可以話係值回票價。

有一點如果有興趣去試做Face Gym之前就要留意番，因為以上幾種類型的機器其實都並非設計作為單一次的使用。必須要連續使用才可以獲得最佳的效果。所以建議都係考慮返自己消費能力，因為淨係做一兩次其實未必可以有長久效果。

整體來講VITAE by CosMax都係一個值得推介的地方。適合比較有經濟能力的客人。

問：VITAE by CosMax Face Gym可以如期有乜嘢效果？

答：其中一個VITAE by CosMax Face Gym心形面嘅優點，就係效果獲得國際研究認證。由於使用機器係英美國家大型品牌，所提供的效果測試文獻亦都相當充分，可以預期完成之後係會有一定的緊致肌膚、提升膠原蛋白數量、增加肌膚彈性的效果。不過任何美容療程都一樣，真實的效果其實都因人而異，會取決於個人的生活習慣、營養、休息是否充足等等。

問：香港仲有其他地方可以做到VITAE by CosMax所使用的機器嗎？

答：如果純粹從機器去比較，的確係會有唔同地方可以提供相類似的機器，例如BTL Exilis 360，不過如果你希望獲得比較優質的服務，其實都係建議你直接俾貴少少，去VITAE by CosMax進行。如果你係有心去搵，一定會搵到不同的機構有提供相類似的機器，然而服務水準、環境、品牌名氣、整體體驗等等，未必係百分百相同，消費者應該有心理準備。

問：仲有冇其他價錢平少少嘅推薦？

答：如果預算比較多，當然首選會係VITAE by CosMax。市場上其實仲有其他類似，綜合地使用不同能量機器的醫學美容療程，技術相似效果都會有一定的保證。市場上某些品牌獨家療程使用的科技和背後的原理，其實同VITAE by CosMax都大同小異，亦都係包括微電流micro currents、軟激光 led laser、射頻RF等等高能量的機器，去刺激面部肌肉。位於中環的SWISS REJU 所提供的Swiss Reborn就係其中一個例子。整體價錢會比VITAE by CosMax平少少，亦都不失為一個比較經濟的選擇。