單次收費美容院做機減肥恐怖意外！減肥機安全5個注意事項

美容纖體係一種享受，亦都有好多美容院提供「做機減肥」或者「減肥機」服務。什麼冷凍溶脂、隔空溶脂、Onda溶脂機等等。精明消費者而家都懂得先去比較不同服務供應商，了解報價。不過市面上有咁多唔同類型美容中心，價格、檔次、質素等等都五花八門，應該如何比較？對於一般想平平地試下做嘅消費者新手，點樣先知道邊間會比較好？選擇做機減肥美容院嘅時候有什麼準則？

最近某間香港單次收費美容院就發生恐怖意外，因為職員本身欠缺專業知識，操作時候竟然造成客人嚴重燒傷。一個低級錯誤，就令到客人造成永久性三級燒傷！帶來嚴重疤痕，非常不理想。

今日就會教你5個重要心法，揀一間最適合自己嘅美容纖體公司！

單次收費美容院減肥機陷阱一：拖延減肥進度拖長嚟做令到總成本好貴，仲貴過正規公司

如果你自己預算睇得比較緊，希望每一蚊投資都有價值嘅話，你就要知道邊類型公司「總成本」會最平，邊類型公司「總成本」比較貴。

單次收費美容中心看似會比較平，但係其實總成本係最貴，亦都係性價比低嘅選擇。

如果你自己唔熟悉美容院環境生態，可能只會著眼於比較是否需要購買療程，定係可以逐次畀錢。好多人誤會咗逐次俾錢就一定比較平。但係事實完全相反。多數單次消費，成本更高、費用更為沉重。

正規美容中心同所謂嘅單次收費美容中心，喺經營、服務、質素、管理方面都有相當大出入。大部分情況之下，單次收費美容中心服務水平比較低，使用嘅機器比較舊，整體減肥效果亦都比較差，而且總成本比較貴！

如果就咁去比較「正規美容中心」做機減肥服務，同埋所謂「單次收費美容中心」做機減肥，前者會好似貴少少。但係如果考慮到使用質素比較好，同埋比較新穎嘅一手機器，由具備專業知識嘅治療師先行分析邊類型嘅機器會最快做到減肥效果，其實一定好過你自己盲中中亂咁去試。

絕大部分香港單次收費美容中心，係按次收費。因此好多都存在「拖長嚟做」嘅問題。拖長嚟做，故意調低能量輸出，令到客人需要做好多次數先見到少少效果。係好多標榜單次收費美容中心常見嘅問題同弊病。拖得越長，客人總成本就越貴。反而好多正規嘅醫學美容顧問公司，目標係好明確希望可以幫你一 take ok。

單次收費美容院減肥機陷阱二：選擇不適合減肥機器，最後減肥無效果

要判斷值唔值得去一間美容中心做減肥療程，最重要嘅就係「安全性」同埋「效果」。所謂優惠或者是否單次收費等等，其實都不是重點。

如果想藉助能量機器去幫助減肥纖體嘅話，其實較為理想嘅做法，係去搵一啲有「多種不同能量功能」，而且技術比較新嘅纖體公司，例如中環SWISS REJU熱光溶脂。先行分析選擇比較適合自己機器與及科技，並且同顧問一齊先行作出清楚計劃，優化飲食習慣同埋增加運動量，成功減肥機會係會最高。

相反如果太過著眼於單次收費又或者價錢平嘅話，使用已經落伍舊式機器，又或者並無任何安全保障嘅二手三手機器，甚至用中國大陸相當流行嘅假機嘅話，其實又有什麼意義呢？質素差，又或者無事先清楚計劃，選擇錯誤類型減肥機器，做唔到你想要嘅減肥效果，無論幾平其實都係浪費金錢，都係嘥錢。

單次收費美容院減肥機陷阱三：附加費用／隱藏費用

當你參加減肥療程遇到爭議同埋不滿嘅時候，你會諗住點樣解決？你會想去小額錢債，定係搵律師？報警又受理嗎？以上呢啲問題其實都需要事先去考慮。

尤其係如果你唔係選擇正規嘅美容中心，而係去搵一啲所謂嘅單次收費美容院，或者小店，以上問題就要事先諗好。

不少價錢比較低又或者可以自稱逐次畀錢、單次收費嘅美容院，其實都有好多額外雜費。有部分甚至誇張到遲到15分鐘已經當你完成療程。額外收費包括upgrade大房房間費、療程使用耗材費、改時間服務費等等！好多呢類型嘅隱藏費用與及附加費用，未開始療程之前其實係唔會知道。選擇單次收費美容中心好容易睇漏，因為根本一早冇寫落去，又或者客人根本都冇問清楚！

單次收費美容院減肥機陷阱四：偽冒假機

之前海關都曾經作出大規模拉人行動，但係冒牌減肥機問題持續，即使執法部門點樣去打擊都好，冒牌減肥機器問題一直都存在！甚至可以話係野火燒不盡，春風吹又生。

如果你對於做機減肥或者減肥機技術陌生嘅話，其實絕對應該搵名氣聲譽比較好嘅「正規機構」進行。因為中環比較大型、有一定知名度嘅嘅纖體中心都使用正版機器。但係如果講緊一啲喺平價商場、甚至係grade C商廈、死場劏場嘅小型美容中心，機器真偽就好難去分辨。淘寶其實有好多所謂嘅「同款」減肥機產品！你懂的。

一部歐洲生產嘅正版減肥機器，最平都講緊30萬。最新型號可能講緊60－120萬，大陸生產嘅假冒同款機器只係講緊1－2萬。因此好多冇乜質素、得過且過嘅中小型美容中心，或者單次收費美容院，就嘗試濫竽充數。假冒機係其實有好多問題，包括安全性嘅問題，能量輸出問題等等。

就以上一年比較流行嘅「增肌減脂」機作為例子，假冒嘅大陸生產增肌減脂機器，其實係由工業用電磁波機器改裝。所以做起上嚟嘅感覺會比較痛，因為機器本身都並非用作美容用途。只係搵一啲相似嘅技術夾硬去改裝。熱能射頻減肥機器其實都一樣，英國正版超頻機器需要60萬，大陸假冒同款機器係講緊2萬。

如果你想保障自己權益，最好都係搵正規正當嘅美容中心。

單次收費美容院減肥機陷阱五：恐怖意外

其實價錢低質素低嘅美容中心出意外係好常見亦都好普遍。大家千萬唔好抱著一種僥倖嘅心態覺得唔關自己事或者自己冇咁好彩其實好多意外大部分情況之下，好多美容中心出咗事寧願送免費療程或者陪少少醫藥費，盡量大事化小就算。如果出咗大事或者大意外，甚至有部分山寨美容中心就直接閂門大吉，用二千幾蚊開過第二間公司重新營業！消費者係毫無保障！因為即使你去控告間公司都好，間公司已經變成一個空殼，一蚊都唔會賠畀你！呢啲情況真係要自行衡量風險。

重要事情再講多一次，做機減肥唔好貪平，唔好去一啲質素有懷疑嘅地方做。一定要搵正規機構進行否則恐怖意外，你係完全冇保障。